donderdag 6 juli 2017

WERE KEERN

Pardon menéer, zy j gy doa n t wuk mee, mè n dooze of twée oede gloazn?’
‘Bajow née! Géf moa, moan da skoane ofwossn en t goa doa zeekre were n twien mee gediend zyn!’
‘En kee wok nog n poar reiskoffers mee; up myn oede goai toch nie mée up reize ée!’
‘Reiskoffers! Idéoal! T is n tyd van t joar!’
‘Ewel, ge moe moa meekomm noa mne noto - alléz, oal da skoan gerief - t is toch te jammre voe weg te smytn, tis toch woa ee!’
‘Wachte kyk, k goa n karreke pakkn, t is nog zoa gemakkeluk!’
‘Oeie... Ewel mersie, ee k ik da nu nie in de koffre gestookn? K zyn k ik da nu vergeetn in noto te steekn, eej da nu nog geweetn! K begunn k ik te missn zeekre? Kiekn da k zyn!’
‘Moa dat is nie erg, ge zoe gy geweune géern nog ne kée were kéern!’
‘Minsn toch, minsn toch... En zitte t oalachtre in noto miskien? Banint! Ja, de vrouwe goa were boffn wei... Wel mersie, wukne n ofgank!’
‘Ort, morrn kom wok oolier! En we zyn wieder nie gejoagd wei, en gy verzekers wok nie, dus da goa wel nog ne kée passn!’
‘Mersie Menéer, ge meug derup reekn, morrn zyn k ier were! Moa zoet derangeern uk nog ne kée in de boekn kyke? Want k zyn doa liefhebber van, van boekn!’
‘Ba nint née! Doe gy moa! Boeknliefebbers... T zyn zukke da w noadig éen!’

Geen opmerkingen: