N BITJE LOATE

'De Kringloopwinkel in Avelgem, met Rino'
'Alloo, is t met de Kriengloopwienkle?'
'Ja, met de Kringloopwinkel in Avelgem'
'Zeg, kee k ik ier n éetplatse en ne salon stoan; ne toafle, zes stoeln, nen dressoir, n barkasse, ne driezit en ne twéezit in leer, ne salontoafle en ne tillevisiekasse. Zoe j gyder doar achter kunn komm? Tis up de Kluusberg'
'A menéer, da goa nie goan, ge zit in de Kriengloopwienkle van Oavelgem, da s regio Zuud West-Vloandern, da s een ander ofhoalgebied. Da zyn de ofsproaken die gemakt zyn tussn de verskillnde Kriengloopwienkels.'
'Nie begunn ee! T is mè moeite ne kilomeetre over de grenze!'
'T spyt my menéer... We zoe wyder doa géern achter komm moa das n overéenkomste die we moetn respecteern. Moa bel ne kée noa de Kriengwienkel Vlamsk Ardenn, en ze goan zyder da ton mè veel plezier komm upoaln'
'Jamoa, ze pakkn doa nie up! En kee vannuchnd wok ool ne kée geprobeerd! En ze goan teféte mè uuze nieuwe éetplekke en uuzne salon komm!'
'En ze pakkn nie up?'
'WUK EEK VES GEZEID!'
'K verstoat da j gefrustreerd zyt menéer, moa ge moe joe doavoarn nie dul moakn...'
'Ja ort, ze goan morrnvoarnoene komn leevern en w oan ier noch weg noch were kunn!'
'Nu, gelyk ooloe, t éenigste da j kunt doen is nog ne kée probeern te belln... Miskien zyn z oenderbezet... T is voe t moment redelijk druk, de minsn zyn nog ookn bezig mè de groate kuus... Moa normoal gezien zyn z oopn... Ool ist - uk da meuge zeggn - da j wel n bitje loate zyt voe te belln ut da teegn morrnnuchnd is... Menéer? Menéeeeeeeeer?'