MUUL

N illetriek viel uut
Up slag wos oales stille
lik n complot, ofgesprookn spel -
t middn ne koedn oorlooge
meug j oales verwachtn

We zoatn in doenkern mè de vlamme
van me voaders ne brikee
Uuzne tilleviesje sjuste nog
ne stomme bak

We giengn goan kykn noa buutn
oal de stroatluchtn woarn uut
'Ja' zei t me voadre
'tee garantie were éen gereen teegn n poale'

Moedre oalde kéesn voa n dag
en n spel koartn
We manieldn en riepn 't is ne muul!'
zels u we géen troef ann

Bistien kréeg de frigo warme
en trok n twien de wc deure
moa de poempe sloeg nie an