TURF IN DE INVAL: WE ZYN VERGEETN

Normaal stonden we op vrijdagavond 1 februari in het anti-cynische creatieve buurthuis INVAL in hartje Krottegem met onze mix van slowpunk en stonerfunk met rapcabaret en babbelelectro maar Tommy worstelde met een longontsteking en ik lag plat door de griep. Wim bleef op veilige afstand. Gelukkig konden we de zaak verplaatsen naar 1 maart, oftewel vanavond - volgens de laatste berichten zijn er nog slechts enkele plaatsen beschikbaar. We gaan er in elk geval eens goed invliegen, hebben o.a. het weerbericht en een doktersvoorschrift in petto en ter compensatie voor het uitstel ook enkele nieuwe nummers zoals dit, 'Vergeetn', dat sinds vandaag op Spotify terug te vinden is:

"We zyn vergeetn

oe dat is voe stille te stoan

Te voete te goan

voe ne kée n twuk nie te weetn

Oe dat is voe buutn te loopn

te kykn noa de dingn

Noa t ges en de boam

t ortn noa de veugels die zingn..."

MICROKOSMOS IN KASTEEL TER BORCHT IN MEULEBEKE 2

Gisteren mijn kringloopverhaal mogen vertellen in de prachtge Spiegelzaal in kasteel Ter Borcht. Bedankt voor het mooie sfeerbeeld Koen!

FEIK NJOEWS

 Ze is er. Het resultaat van wat we samen het beste kunnen. We, dat zijn Tom Denolf, Wim Wallays, Steven Duyck en ikzelf onder de noemer TuRF. Ze, dat is onze plaat, 'Feik Njoews', die in de Gam Studio opgenomen werd, die magische plek waar de geesten van Marvin Gaye en Chet Baker nog steeds rondwaren en seismologen vreemde trillingen in de Ardeense aarde registreerden toen Millionaire er een tijdlang verbleef. We wilden niet zomaar wat nummers bij elkaar harken maar hebben de ideeën laten rijpen en eraan gesleuteld en geschaafd tot, naar ons gevoel, alles perfect was. Kristof Maes van Closed Session Recording Studio heeft onze plaat gemixt.

Straks staat ze op Spotify, maar voor de liefhebbers van het echte werk is er ook een kleine oplage op vinyl met een uitklapbare hoes en de teksten op het inlegvel. We hebben er lang op moeten wachten, maar ziet, hier is ze, nog net op tijd om het jaar mee af te sluiten.

Moeten we nog zeggen dat we er apetrots op zijn?

MUSICZINE: ERIK VANDAMME '(WEST) VLAANDEREN BOVEN!

 Raymond Van het Groenewoud - (West) -Vlaanderen boven!

Op een zonnige zondag zakten we af naar het West-Vlaamse Zwevegem, waar een soort kermis doorging met o.m. ook enkele optredens in open lucht, georganiseerd door The Finish. Het werd een (West )-Vlaams onderonsje, afgesloten met niemand minder dan Raymond Van het Groenewoud, die als prille zeventiger nog steeds fris en kwik op het podium staat.

Dat het programma op zijn minst merkwaardig was, bleek bij de openingsact Columbarium (****) die eerder een doom metal gerichte act zijn. Onlangs kregen we het spijtige nieuws dat Loose License ermee ophield, een band die in deze  underground zijn stempel drukte. Gelukkig volgde kort daarop het heuglijke nieuws van de geboorte van een nieuw project Columbarium. Er is niet zoveel veranderd, maar toch hoor je een zwaarder geluid. We hebben te maken met een solide band waarbij de neuzen in dezelfde richting staan. Columbarium zorgt voor een donker, intens sfeertje, in schril contrast met de rest van de avond.
Ze schrijven een nieuw hoofdstuk en zijn klaar voor het grote werk . Uitkijken dus.

Met TuRF (*****) staat een puur West-Vlaams fenomeen op het podium, TURF is een gezelschap uit Roeselare die het begrip 'experimenteren' hoog in het vaandel draagt. Ze houden van improviseren, zijn sterk op elkaar ingespeeld en er is sprake van een grappige ondertoon , wat we halen uit hun teksten, waar wij als Oost-Vlaming niks van begrijpen.
TuRF zijn muzikanten die verdomd goed weten waar ze mee bezig zijn, de riffs als de drums zijn overtuigend, sterk. Zanger, frontman Rino is een klasse verteller en straalt charisma uit. “Vloage” en “Stoasje” zijn lekker aanstekelijk; “Julie” op z’n beurt klinkt dan gevoelig. Gaandeweg was het publiek te vinden voor hun afwisselende sound. Fijn alvast en het toonde aan dat TuRF een veelzijdige band is .

Humor en speelsheid zijn belangvolle componenten in het oeuvre van Raymond Van Het Groenewoud (*****) . “Maria, Maria ik hou van jou” was dan ook een mooie opener. Raymond is een entertainer die perfect zijn publiek bespeelt. Na al die jaren is het sjiek hoe hij het doet! Speels zoals we hem voor het eerst live zagen in 1987 op de Lokerse Feesten. Songs als “Chachacha”, “Je veux de ‘l’amour” en “Twee meisjes” zijn krakers. Ook de minder bekende songs gaan er in als zoete broodjes.
Raymond van het Groenewoud bespeelt het publiek en hij is omringd door klasse muzikanten die zijn muziek naar een hoger niveau tillen. Het feest ging in stijgende lijn op “Meisjes”, enkele vrouwen vooraan gingen gewoon mee dansen. Op “Liefde voor muziek” ging het dak er compleet af.
Raymond Van Het Groenewoud zorgde voor het ultieme volksfeest om deze gezellige dag en brio af te sluiten!

Organisatie: The Finish, Zwevegem

TYD VAN DE KOBBN

Rino: 'Bjorn, en ge zy lik zoa ant peizn?'

Bjorn: 'Ja Rino, eej gy wok kobbn in joen uus?'

Rino: 'Vaneigenst, een n uus woa dat r géen kobbn zittn is nie gezoend wi!'

Bjorn: 'En wuk doe j ton uj n kobbe ziet?'

Rino: 'N bitje achteruut goan da ze géen attakke doet! Moe kée peizn wuk da ta moe zyn voe zukkn béestje ut r doa ommèdekée zukkn indelukske béeste voa n dag komt!'

Bjorn: 'Joah verzeekre! Ge sloa da toch plat?'

Rino: 'Voe wuk? Ge zoe moetn bly zyn da ze der zyn, da pakt de vliegn en de muggn. Doaby, tis géen avance van éen doad te sloan, t zittn miljoenn kobbn in joen uus! Mak moa da ze t nie zien want uj ze dul makt, zyj der wel mee!'

Bjorn: 'Moa gow, serieus!'

Rino: 'Us echt te groat is noa myn goeste, en ze zit in myne weug goa k ze buutn zettn, mè n glas en n papierke.'

Bjorn: 'Is t echt? En gy Marjan, wuk doe j gy doamee?'

Marleen: 'Ik loate da wok loopn. Teegn da j nog ne kée kykt is z olyk weg. Tis n tyd van de kobbn ee, ze komm binn omdat snachs begunt te verkoeln.'

Bjorn: 'Ja santé, dus t goan der nog by komm?'

Marleen: 'Moa das oole joare ozoa! Ge moe doa nie mee inzittn!'

Bjorn: 'Zy j nie benauld das in je bedde kruupn snachs?'

Marjan: 'In je bedde? En ze kruupn zels in j ne moend binst da j slapt!'

Bjorn (geschrokken): Tis géen woa!'

Marjan: 'Tis beweezn dat ne mins oole joare acht kobbn upit! Ze kruupn in jne moend en ge voelt n twuk woadeure da je smekt en hup, gee ze binn!'

Arno: 'Ze kruupn in jne moend omda ze dust een, ze drienkn n bitje en ton moakn ze doa n kobbenette, wan vliegn moetn wok drienkn en t moment datr n vliege in jne moend vliegt, grak ze vernesteld in die kobbenette…'

Bjorn (in paniek, kijkt naar mij): 'Tis géen woa!'

Rino: 'Moa bè nint née, ge goa joe toch nie loatn doen ee! Kobbn kruupn nie in joen bedde, ze zyn veel te benauld van gie, zukkn posteure!'

Bjorn: 'T zat éen in myne living, ke koste byna nie mée beweegn! K zoate der éest n héel ende noa te kykn en kee ton myne gebeur moetn oaln voe ze doad te doen!'

Marleen: 'Och héere da beestje…'

Bjorn: En gy Kurt, zet je gy n kobbe buutn?'

Kurt: 'En ge zy zot zeekre! K zyn ool bly da ze willn binn komm! Voe ne kée dak n bitje company een!'

JAKKEDOENIE

'En de keunink is ier dus gewist tèh! En oar j èm soms nog ne kée?'

'Je belt oole weke!'

'Tis géen woa!'

'Ba nint née! Je bel moa ne kée in ne moand.'

'Moar is t echt!

'Moa bennint!'

'Aja k peise t! Jeet èm doavoarn géen tyd die vint. Met ool zyn reizn!'

'Ja k zeie t teegn èm ut n ier wos, k zeie: Filip ge moe ne kée méer buutn komm, oender de minsn! Ze goa da apprecieern. En kyk, jeet wel gedoan zekerst!'

'A moa mins toch, niet te geloovn! Ewel merci! Gy zyt olyk éen wi!'

'Moa tis géen woa wi! Kee kik da nie gezeid.'

'Aja.'

'Nink, k zeie, zoej diene tand nie were geevn? Moa méer eek nie gezeid.'

'Allez, en ziet, jeet n olyk were gegeevn ee!'

'Gy geloof wok oales née!'

'Jakkedoenie!'

AVONTUUR

Het was nooit mijn ambitie om op het podium te staan of om in een groepje te spelen. Ja, ik heb het ooit wel eens gedaan, lang geleden, maar dan meer als grap. Maar toen ik - véél later - voordracht ging volgen om de schrijvers die naar De Zondvloed in Roeselare kwamen wat beter te kunnen aankondigen, moesten we voor het eindexamen een tekst voor een publiek kunnen brengen. Ik hertaalde het gedicht 'Coureur' van Luuk Gruwez naar het West-Vlaams. Toen ik het hilarische stukje tijdens een feestje voordroeg, vond een van de aanwezigen, Thomas Gerard, dat ik er iets mee moest doen en zo ontstond 'Busmins', liedjes en teksten waarmee Thomas en ik een hele tijd geregeld op de planken stonden en dat een stille dood bloedde toen Thomas naast zijn dagtaak opnieuw ging studeren.

Toen vroeg mijn schoonbroer, Wim Wallays, of ik misschien eens wou komen kijken naar het projectje waar hij al enkele jaren mee bezig was, enkel gitaar en drum. Met Steven Duyck, de drummer, had hij al in menig groepje gespeeld. Om mijn gedacht eens te horen, of het iets was.

Voor ik het wist stond ik tussen hen in en bracht teksten in het dialect op de 'stoner' die ze maakten; slepende grofkorrelige psychedelische rock. Zo zag TuRF het levenslicht. Lange tijd bleek ons grootste probleem het vinden van een repetitieruimte waar we ons oorverdovend lawaai mochten maken. Voor de rest was het vooral fun. Meestal probeerde ik één of ander merkwaardig aspect van het dagelijks bestaan in een tekst te vatten en Wim en Steven componeerden er dan harde, vaak wat absurde muziek bij. We hebben er verschillende oren mee geteisterd, op diverse podia. Sommigen van de aanwezigen liepen weg terwijl anderen ons nadien kwamen feliciteren.

Het was best wel een leuk concept maar we misten de ambitie om er echt iets mee te doen. We bleven steken in een amateuristische aanpak en was Tommy er niet bij gekomen, zou ook TuRF ondertussen waarschijnlijk een mooie herinnering geworden zijn.

Maar daar was dus plots Tom Denolf. Hij had ons bezig gezien op een avond waar hij als drummer met zijn toenmalige groep ID!OTS moest spelen. Hij kwam ons achteraf zeggen dat hij het 'DE MAX' vond en het hele optreden lang met de slappe lach had geworsteld. Iets later nodigde hij ons uit om te komen spelen op zijn verjaardagsfeestje. Hij gooide zijn drumstokken die avond in het kampvuur om bassist bij TuRF te worden. Dat is ook alweer enkele jaren geleden.

Inmiddels heeft Tommy zich onze nummers eigen gemaakt. We hebben er samen ook nog eens flink aan geschaafd en gaandeweg zijn er nieuwe nummers bijgekomen. We hebben allemaal onze beperkingen maar Tom is erin geslaagd om bij allen van ons het beste naar boven te halen. Iedereen kent hem als grapjas - vandaar dat het zo goed met de rest van ons klikt - maar we hebben hem ook leren kennen als een pietje precies. We repeteren wekelijks, dat proberen we tenminste, en hebben ondertussen heel wat vooruitgang geboekt, dat horen we zelf ook wel. Maar het belangrijkste aspect zijn we niet uit het oog verloren: vier vrienden die zich in de eerste plaats proberen te amuseren.

Tijdens corona hebben we in de befaamde Gam studio een plaat opgenomen, 'Feik Njoews', een echte onvervalste conceptplaat - alles keert terug - die eind september, begin oktober uitkomt. Voor de liefhebbers verschijnt er een beperkte oplage op vinyl, met klaphoes en tekstvel. Voor wie niets met vinyl heeft, 'Feik Njoews' zal ook op Spotify verschijnen. Afgelopen zondag stonden we voor het eerst sinds lang weer eens op een podium. Het was aperitieftijd en het was een waar plezier om te zien hoe iedereen zich amuseerde. TuRF 2.0 is er helemaal klaar voor! Volgende optredens: ZomerNeST op 15/7 bij Triporteur-BOMBrewery in Rumbeke en op 11/09 in The Finish in Zwevegem.

Het was nooit mijn ambitie om op het podium te staan of om in een groepje te spelen. Maar het is een avontuur dat ik voor geen geld had willen missen.

VOADERDAG

'Eej an je voadre gepeisd?', stoat r up n plakoate

mè n groate boarmachine up van n 'doe het zelf' zoake

die de zundagvoarnoene oopn is

'Ier nietn da voader nie meugt' angt r by n traiteur in de vitrine

vul mé flossn langn en kortndrank in oole moatn en kleurn

en doozn sigarrn uut Mexico, Honduras, Nicaragua en Cuba

'Mè n voadre die géern bloemn ziet, is r nietn mis' kuj leezn by de bloemist

en der neevnst by de multimediaspecialist:

'Viert voadre mè ne vierdubbelen cd mè sjuuste moa

t skoenste uut de klassieke muziek'

An n reisburo: 'Verrast voadre mè ne citytrip noa Barcelona of Parys'

De prys voe orzjinaliteit goa noa de velomoakre:

'Legt vandjoare ne kée tegoare en trekteert voadre up ne velo met nilletriek!'

Moa ool lange voa da w joe moestn begroavn

aj géen deugd mée van te drienkn, ge gienk ne kée

n sigarre smoarn moa sjuuste moa ut van die fyntjes woarn

en ge zy noais liefebbre van reizn gewist,

ge miste géen boekn, joene velo stoend in t kot, koejroste,

ge wos nie an bloemn en u ze klassieke muziek

speeldn up de radio, zei je: 'tis were kerkemuziek',

en ge veranderde van post

En a we materioal moetn geevn voe te werkn,

gienk vroagn wuk da der skilde,

utr n twuk up uuzne lever lag

Da we kée beldn,

t wos ool daj wilde

moa doavoarn is t nu wok te loate

En k wille der nie an peizn

moa t is vandoage géen avance

t is voaderdag

GOD

En wuk wos da ton, god?

Wel, dat is t roare; t wos n twuk daj nie koste vaste pakkn, zien, oarn, of riekn. N twuk woa da der géen bewyzn voe woarn. N twuk dat er dus ne kée éen uutgevoenn a. En volgens deen a God de wereld mè zyn bloate andn gemakt, en geléek n up ne mins moa ton zoender oal de foutn. Je weunde n twoasn verre boovn uus in de lucht, en je kéek noa beneen, noa ool t éne da j uutspookte. En pas up! Ja t oal gezien ée! En ut r ton n twuk goe gienk kostn de minsn dankboar zyn. En goenk ter n twuk slicht, kostn z under dermee verzoenn, want t wos omda j t verdiend a, of t makte déel uut van n grodder plan! Moar au fong wos n goed wei, diene god... En mè zukn twien boovn joe moest je wok nie zoa benoald zyn voe doad te goan wan je zei, allez, toch volgens deen die em a uutgevoenn, dat r ton nog n twuk achter kwam, verstoajt? Dat gelykoloe nog nie gedoan wos!

Dus verre oal de minsn an diengn in under uus die antoanden da ze God geren ann, da z in diene God geloofdn. Wan t kwam zoadoanig verre da je je leevn nie zeker wos uj zei da j twyfels a! Ge moeste geloovn en zwygn! En bistien woarn ze nateurluk wok oal vele in ruuze gekomm over diene god en van t ene kwam t andre en voe t hélegans moeilijk te moakn woarn der ton vaneigens verskillnde goodn!

Mohow! Zoej kunn peizn! De minsn zoatn toch roar in mekoar ée in dien tyde? En da ze ton sjuuste doadeure in t skéer gegrocht zyn!

Jah! Moa k goa joe moetn loatn, want myne compuutre tril my up, jée verzeekers n twuk noadig...

PIEP TUUT

PIEP TUUT PIEP TUUT

Ik: 'Kyk, myne kaba.'

Kassierster, buigt zich voorover, kijkt in mijn lege tas: 'Tis wel wi.'

PIEP TUUT

Klant achter me: 'Oe, zy j gy nog nie in verlof dè?'

PIEP TUUT

Kassierster: 'Nink, moa k zy my ool an t grée moakn! En gy?'

Klant achter me: 'Tis myn twidde weke!'

PIEP TUUT

Kassierster: 'En? Zy j weg gewist?'

PIEP TUUT

Klant achter me: 'Ja, kebakkedoenie! Zukkn were! Zoej nog buutn komm? Vint toch… Tis nog n bitje de zoomre!'

PIEP TUUT PIEP TUUT

Kassierster: 'Ne nechte Belgske zoomre, lik van umme kiend woarn!'

PIEP TUUT

Klant achter me: 'Moa tis toch nie mée géestig née? Allez, ge kun noajs ne kée buutn zittn!'

PIEP TUUT

Kassierster (tegen mij): 'Goh, diene bassilicum… Zoa goed da da riekt! De geure goa twissn deur je masker!'

PIEP TUUT PIEP TUUT PIEP TUUT

Forse vrouw aan kassa naast ons, mee met haar moeder: 'Kyk!'

PIEP TUUT

Kassierster: 'Aa, da zyn der goe koekskes uut!'

PIEP TUUT

Forse vrouw aan kassa naast ons, mee met haar moeder: 'Tis voe by de kaf-fie!'

PIEP TUUT

Kassierster: 'Ge moe moa zeggn woanéer da t kaffie is… K goa komm!' (Knipoogt naar me)

PIEP TUUT

(Moeder neemt dochter bij de hand en ze lopen samen naar buiten)

PIEP TUUT PIEP TUUT PIEP TUUT

Kassierster: 'Nu moa wi, we moetn nie kloagn van t were… Kyk noa die minsn in Dardenn! Wuk moetn zyder ton zeggn?'

PIEP TUUT

Klant achter me: 'Tis woa…'

PIEP TUUT PIEP TUUT

Kassierster: 'En mè n bitje sjanse een we nog ne skoane noazoomre!'

PIEP TUUT

Klant achter me: 'Jamoa tis woa, en u we nog kiend woarn, gebeurde t dikknst da t skoan were moa begost ut de vakanse ool gedoan wos…'

PIEP TUUT

Klant achter me (knikt met grote ogen naar me): 'En kee nu nog n weke in septembre!'

PIEP TUUT PIEP TUUT PIEP TUUT

MYSTERIE

Die oogn, oolsan die oogn

Die oogn die zoekn, die zeggn

da ze wachtn of triestig zyn, of dul of bly

Oe daj ze toe nypt lik of da je lacht

moa woavan dak noais oenderd procent

zeker zyn buutn uk troann zie

Miskien eej wel de sloppe lach

Wuk dak wok peize of mè mezelvn

ofgesprookn ee, ooles vool weg

uk die oogn zie, ze vermoasn,

verbroddn myn plann, moa ze moakn my bly

deur geweune moa te kykn noa my

Daj wiste oe daj t kunt verdienn want

wuk kuj méer willn dan da die oogn joe zien?

Lik of dak rechte in joen erte kyke

moa j ne moend kunne k ny zien

of de vorme van joen neuze,

oe da de lyne van joen koake is, ja,

oe daj ne lach deruut ziet moete k roadn

of oe zochte da die lippn zyn

u ze fluustern in myn n oare

Nie dat t my zoavele kan skilln

oe daj deruut ziet wete k nie

en k goa echt nie tevele van joe willn

Bluuf moa myn virusvry mysterie

WEESGEDICHTEN IN AALST (MET DANK AAN REINOUT VERBEKE)

Aalst heeft een traditie van raamschilderingen tijdens carnaval. Utopia Aalst pakt nu voor #poezieweek uit met meer dan 100 (!) ramen met geletterzette gedichten. Alle 'weesgedichten', zoals ze werden genoemd, vonden via een website in amper zes uur een huis. Poëzie blijkt hier aanstekelijk als corona zelf. Ik koos - als ingeweken West-Vlaming - het gedicht van Rino Feys: 'Mocht het éesn zoverre komm'.

Rino is een fantastische schrijver-chroniqueur-dichter-performer (check 'Microkosmos' en 'Busmins') en een vriend van me sinds ik hem leerde kennen in Vzw Cultuurkapel De Schaduw. Het gedicht is zoals Rino zelf: rechttoe rechtaan. Eén beeld. Daarom raak. Hoe hij al verdriet inoefent, zodat het tenslotte slechts een koud kunstje wordt. Het dialect drijft de doorleefdheid op, en maakt het ook wat zangerig.

Mocht het éesn zoverre komm

Ge moeste n poar kommisjn doen

en kwiste da j binn n eure

were tuus gienk zyn

Moa kstelde mie voarn da j weg wos

voe ooltyd en k hoopte olene moa

da, mocht ut éesn zoaverre komm

da j up nen dag zoe weg zin voe ooltyd

dak my ton eevn gemakkeluk

voarn gienk kunn stelln da j up kommisje wos

en were tuus wos binn n eure

2020 (02/01/21)

T wos t joar woarin daj n boete koste krygn uj noa n begroavinge gieng

Woarin da de kerke geslootn wos en sintekloai cadeaus gaf daj nie wilde moendmaskers géen nut ann en de gazette dikkenst lik n groat inmemoriam wos Woarin da j nieverst mochte goan en woarin dat r nieverst n twuk te beleevn wos Woarin daj nie noa n coiffeur koste goan

Waarin dat uus gewicht omoge gienk negatief positief wos en ooge siefers slicht Woarin daj oole stappe in congé moeste goan en woarin dat n skande wos uj mè skoan were noa de zée gienk Woarin daj niemand mochte vroagn en t snachs verboodn wos voe buutn te komm Woarin daj met kerst en niewjoare de skoenste cadeau an jezelvn koste geevn

en ool van t snoens stoend an te skuuvn by ne traiteur

PORMONNEE

Tis rumoerig in de gazettewienkle. De minsn stoan mè n postkoarte in under andn, of n tydskrift, of nen boek, oolemolle in under dikke kléers, sommigte mè n mutse up of n poar andskoenn oender ne n oksle. Ze kykn roend van boovn under moendmasker, d éne zyn up zoek noa nog n twodde en d andere moakn zére plekke, de benoaldigheid stoat in under oogn te leezn.

K stoa te kykn noa n overskot van de gazettn, ge moet ier chanse een uj an ne standaard of ne morgn wil groakn, byzoenderluk ut ool ne kée achter n achtn is, k loate voarn achter n neegn; k weete t, k zyn loate an.

N noedere madam komm binn ool babbeln teegn nieman moar éegluk teegn ooleman.

'… en k peisde ke kunne k ik ze moa doa vergeetn zyn né, wan kee ze doaves nog gebruukt voe te betoaln…'

'Aja, zy j n twuk kwyt miskien?', zegt r n twien in t deuregat.

'Myne pormonnee! Allez, oe ist meugluk? K stoene doa te blienkn in n Karfoer en da doe zoa dinne ee…'

Chantal eet hoart dat r n twuk goande is en ze kykt up: 'Tis voej ne portmonnee zekers? Je ligt ier. K woare joene nummre an t upzoekn, k gienge sebiet belln…'

'A, moa k zyn bly wi! K peisde ool da k èm ier vergeetn woare.'

'Nint, n twien eetn gevoenn up n dam n bitje voddre, en ier ton binn gebrocht.'

'Moh! Tis géen woa zeekre!' Ze lopt nu n bitje zidre noa de wienkeltoog.

'Joat, kyk, kée n sjuuste oopn gedoan voe te kykn van wie dat n wos. Jis nog nat.'

'Ja, k ée were die veste an ee, woamee da k zoa moete uplettn! Ziej t, die beuze ier lat deure, en k weete t pertank, moa ja, dat is verstroaid zyn zekers? Goh!' Ze doet eurne portmonnee oopn en kykt zére ut r nog ool in zit.

'Moa kyk, tis nietn gebeurd, en g eet n were!' Chantal lacht twéesn deur eur masker da noa binn klapt u z oasme pakt. D oedere madam ee eurne portemonnee nu in eur goe beuze gestookn en lopt ool noa de deure.'

'Bedankt ee!', roept Chantal nog ne kée, uut pure gewente moa z oare t nie, want z is were an t babbeln teegn nieman en ooleman: 'Oe da j oolyk zoe voarn ee. En k meuge nu nog ne kée were noa de Karfoer wok. K zyn were ool héel over myn toern, en t is nog moa nuchend...'

IN REVEIL #20: 'NIE GEZEID'

 

PATTATN

‘Dag chef!’

‘Wok goenn dag!’

‘Wel, èrkèj my nie miskien?’

‘Nu wel, an je stemme!’

‘Ooles goed in Meulebeke?’

‘Bajoat lik!’

‘Jamoa, met de corona toch niet é! Ge stoat in t road!’

‘Ja, k eet wok gezien.’

‘Mins toch, wuk goat r it gebeurn? Tis slichtn tyd wi!’

‘Jah…’

‘Zeg, en eej ool pattatn hoalt bynn n boer?’

‘K durve t bykan nie zeggn moa banink!’

‘Moa allez gow zeg! Oevele kéern eeke t joe nu nie ool gezeid? Ge moe noa doa achter pattatn goan! Ge vient da nieverst, zukke goe pattatn! En voe da geld: vuuf euro voe twientig kilo!’

‘Moa kweete t, gee t verzekers ool duusd kéern gezeid moaja oe goa da? En t is myn vriendinne die noa de markt goat, en ze bringt zy ton pattatn mee! En twientig kilo, da’s veel tevele voe wydre!’

‘Wè, gif ze ton weg née! De minsn goan n gat in de lucht spriengn! Zukke goe pattatn!’

‘Moa kyk, k beloove t, k goa der echt ne kée goan oaln noa doa! Oolene ool omda k nie benoald zoe moetn zyn teegn da j nog ne kée binn komt!’

‘Jamoa, ge goa j moetn oastn wi! N boer is ool in de tachntig!’

‘Ort, k goa der n gedacht van moakn!’

‘En witje nog woa da t is?’

‘Wel an die café doa noa reks ee?’

‘Ja, doar in n droai, uj die verbrasserie gepasseerd zyt, doa noa reks en n bitje voddre were reks…’

’T is goed, k goa t antoedn!’

‘Allez chef, k goan ne kée roend kykn!’

‘Doe gy moa!’

‘En nie vergeetn achter pattatn te goan née!’

‘Nink wi!’ (zucnt onder mondmasker) 

MYSTERIE

Die oogn, oolsan die oogn

Die oogn die zoekn, die zeggn

da ze wachtn of triestig zyn, of dul of bly

Oe daj ze toe nypt lik of da je lacht

moa woavan dak noais oenderd procent

zeker zyn buutn uj scréemt

moa miskien eej ton de sloppe lach

Wuk dak wok peize of mè mezelvn

ofgesprookn ee, ooles vool weg

uk die oogn zie, ze vermoasn,

verbroddn myn plann, moa ze moakn my bly

deur geweune moa te kykn noa my

Daj wiste oe daj t kunt verdienn want

wuk kuj méer willn dan da die oogn joe zien?

Tis lik of dak in joen erte kyke

moa j ne moend kunne k ny zien

of de vorme van joen neuze

oe da de lyne van joen koake is, ja

oe daj ne lach deruut ziet moete k roadn

of oe zochte da die lippn zyn

u ze fluustern in myn n oare

Ort, nie dat t my zoavele kan skilln

Oe daj deruut ziet wete k nie

moa ge meug vandoage nie te vele willn

Ge zyt n virusvry mysterie

BUSMINS, 'OASMT IN EN OASMT UUT'

 

OASMT IN EN OASMT UUT

Ze zeggn dat n straffe is

en da we t gezocht een

een baffe up uus muule van n planeete

woa dat er van ooles an skilt,

die uus nie mée wilt

en dat t ool uus skuld is

Ze zeggn dat t komt

omda we mè te veeln zyn

en dat r nie genoeg is

en ze zeggn dat n complot is

dat t uut n labo komt

van ne zot die peist dat n god is

En ze zeggn dat van de Noordpool komt

woa da d yskappn nu zidder smeltn

dan joene kréem van de karre

en rad wuk da ze doa nog ool goan vienn

En ze zeggn dat komt deur die busbrann

en dat r nog van ooles up uus ofkomt

woa da we nie teegn kunn wienn

Moa oasmt in

en oasmt uut

Ze zeggn dat t in de lucht oenk

dat t nie anders koste, dat moeste gebeurn

en dat nog oolsan in de lucht angt

en ze zeggn dat n boel noais an meugn sluutn

en da ze veel te tieluk were g oopend een

Ze zeggn dat t noais mée lik tevoarn goa zyn

en t zyn der die under reize

uutstelln toet noast joare

Ze zeggn dat de wéreld failliet goat

da ze voa de grotste crisis in oenderd joar stoat

en ze zeggn dat t mè n bitje sjanse

toch zoe moetn lukkn en da w oolsan

nog wa geld by zoenn kunn drukkn

en ze zeggn da w in de leugens goan

versmoarn u w ooles geloovn wuk d w oarn

En oasmt in

en oasmt uut

Up de radio zeggn ze dat der noais

géen carnaval mée goa zyn

dat de zwangerschapstestn

by n apotheker uutverkocht zyn

en da de wyn van vandjoare

goa smoakn noa azyn

en dat r ne golf up uus ofkomt

van echtskéediengn

en da j nu in t shoppingcenter

veel interessante batjes kunn vienn

en dat t van t weekend

vrée skoan were goa zyn

dus oenn ze rekeninge

mè n oeverroempelinge

up n tring noa de zée

en in de gazette leeze k

voa da da virus kan verdwynn

dat de heilige Corona moe verskynn

De Chinoan en n Amerikeez

wysn noa mekoar

en ge goat deuresloan

uj bluuft geloovn wuk daj leest

Moa oasmt in

en oasmt uut

Ze zeggn daj t moeilijk kunn krygn uj road zyt

da je téerder zyt uj wit zyt,

da je t langer ee uj zwort zyt

da je zidder geneest uj geel zyt

en da j t nie kunn krygn uj blauw zyt

moa gelyk wuk n kleur da j eet,

uj t gèt eet, da j der vanof zyt

moa t zyn andre die zeggn da,

ne kée dat in joen bloed zit,

dat t héel mis is,

dat t noais mée weggoat,

en dat voe ooltyd is

Moa oasmt in

en oasmt uut

en oasmt in

en oasmt uut

en oasmt in

en oasmt uut

en oasmt in

en oasmt uut

en oasmt in

en oasmt uut

en oasmt in