ENE KANT

K ry noar uus mè notobuus
van Kortryk noa Meulebeke

Wuk da j oender boane ool ziet!

Nachtwinkels die geslootn zyn
en groate garoagn mè otoos achter glas
en uuzn en boamn en wée n mè koein of péerdn
die liggn te sloapn en ne vrouwe te loope
mè ne band in eur oar up n trottoir

N héle reeke up mekoar gestoapelde palletn
ne koersevelo, n droagkasse en n tv kastje apart
moa wok toope te koope voe ne 'skoane' prys
0erekootn woa dat kruud toet an de goote komt
en ne zitbank zoender planke

N uus woa da j grakt via ne trap mè indelukske tegels
mè ne buxus in ne bloempot voa de deure
n aftestation woa da der niemand stoa te tankn
en minsn die stéens in ne container smytn oal ist
dat zundag is

N broadjeszoake mè de laddestoars noa beneen
ne noedn trekteur die stille stoat en géne mins
te zien t midn t land
recloame voe brandoed voe noaste wientre
en ne yzderne poarte mè doarachtre
ool upgezette otoos

T station in Ingelmunster
kyk, de zunne brikt deure
N vrouwe in ne relax up n balkon
n roaze brievnbusse
n uus woa da j grakt via ne langre en ne briddre trap
mè nog groddre teegels en twée buxusn voa de deure
ne glascontainer woa dat r niemand glas in smyt
n stik land oender plastiek

Garoagedoakn die boovn n oaghe uutsteekn

En dat ool
ool éne kant!