IMPLOSIE

'Dertig cent goan z upsloan'
zei de madam an de kassa van de Carrefour

De vint voa my lei zyn geld in t and da z oopn ield
en pakte zyn pakske sigarettn

'Voe n twidde kée in n poar moandn!'

Zyn vel wos gerimpeld moa zag der toai uut
en zyn sloapn en koakn vieln noa binn
lik of dat n in zyn leevn
oal veel te lange an sigarettn a getrokkn
n bitje t omgekéerde van ne trompettist

Of miskien wos ter up nen dag
n implosie gewist

'Moa tis nie omda z oales upsloan
da we dermee goan stoppn ee?'
'Aa' zei t ne, 'smoar je wok miskien?'
Ze gienk n bitje rechter zittn

'Tis by maniere van spreekn' zei ze