ZOMBIES

K liepe noa n bakkre
t wos nog doenkre

Ier en doa kost je in uus kykn
omda de lucht nog brandde boovn toafle

Zoa zoage k n héele famielje zittn
roend pistolees en n kaffiekanne
D joenges nog in pyzjama

Z an elk n tasse voa under neuze stoan
ollemolle kéekn ze noa r underne gsm

Ton zoage k ne vint die in zne zeetle zat
Je kéek noa beneen, woa da zyn and
van beneen noa boovn wréef over da skerm

En nog n bitje vodre passeerde k lanst n kapsalon
d éeste klantn moestn nog komm
De coffeuze stoend oender ne daglucht
mé ne kléen in n eurne n oarme
ta n tuutje in zne moend

Ze kéekn tegoare noa da vinsterke
up diene tillefon

Die zombie films zyn der nie recht up peisde k
Ze loopn nie te skruweln lanst de stroate
Ze zyn stille en zittn binn

(De myn lag tuus wan je wos plat en je zat in)