MUGGE

K liete myne blik in de wc pot voaln
en k zoate up slag in n afleveringe
van Nasjonal Geografic:
n mugge skatste up zyn duuzendste
gemakkn over t woater lik zukne skryvre
uut Gezelle zyn gedicht

K zeie: 'Mugge, k verstoa
da j gy joe nie voarn kunn stelln
wuk dat r up joe of komt
moa moestn der horrorfilms
voe muggn bestoan
ze zoenn doarover goan'

Gy peis nu 'joah verzeekre
gee ze geweune doagekakt!'
en da j gy nie zoe twyfeln voe n mugge die,
at géen zoa koed gewist
mè vrée veel goeste in joen vel zoe bytn,
zoender compasje doad te skytn

Moa t is toet da je joe verplatst
in de skoenn van zukn weezn
en ton, ommèdekée gerakt
van da woender, beseft:
t kan der éegluk nietn an doen
want oe kléene dat wok is
tee zezelvn nie gemakt

En wuk doe j doa ton mee?
Wel beste en andere Feysboekmoatn
ik zyn géne mins
voe zukn twuk ozoa te loatn
kée n vel papier in de pot loatn zakkn
t kroap omoge voe zyn poatn te droogn
en t is geweune weggevloogn
en doarachter koste k - eindeluk - kakkn