GEPASSEERD

Tis twée jannewoarje
de féeste is were gepasseerd

De kerstversieringe
lanst de boane gedateerd
en myne leevre gemarineerd
De frigo is leeg
en de cafees zittn vul

De nieuwjoarsbrievn liggn
in de garoage up de gazette
met t overzicht van verleen joare
en t inpakpapier van de cadeaus
die tegoare in de koffre wachtn
teegn da we goan noa kringloopland

Were n joar die nie mée up
myn doazendje kan stoan