LANGE TEENN

Noa volgens dat t skynt
kom j uut de zée
moa ge wit da nie mée

Ge zyt geevolueerd en ofgestudeerd
en ge lopt up twée béenn
moa je n éesems krimpn
en ooles zit ij ne gsm

Téenigste da nog groeit zyn joen téenn

Ne zak vul bloed en béenn
die nietn kan verdroagn
en nietn wil déeln
binst da j probeert voe héeln boel ier
zoa rap meugluk up te soepeern

Niet loatn an ne nandern
want ool da j lat liggn zy j kwyt

Ge leeft lik da j de latsn zyt