die ofgereeknnd a en welgezind eur dingn wegstak
ak t geweetn ka up myn toenge gebeetn
‘Goh’ zei ze en zwéeg, ze zakte in, ‘da s minder wei…’
Oal t kleur trok weg, eurne moend verkrampte
ze kéek noa beneen, ‘k moete noa n madam,
z ee, vele gereeknd, miskien
nog nen dag of twée te leevn’
‘Oeieoei’ zeie k van t verskot,
‘amai, en kan z eur skikkn in eur lot?’
‘Ja kweete t nie’ zei ze, z is gevoaln in eur uus
z is hélegans verlamd, en ze…’
Ze kéek noa my, ik kéeke noa eur
Oe da oales nu veranderd wos!
In eur oogn kost je zien
wuk dat er doa van binn zat
oales kost je zien
héel de reize da za ofgeleid
Eur lippe trilde en eur oogn liepn vul
en ze droei eur en ze zei ‘salu’
binst dat ter elders ne gloazn kerstbol
up de groend viel
en in duusnd stikkn brak
ze kéek noa beneen, ‘k moete noa n madam,
z ee, vele gereeknd, miskien
nog nen dag of twée te leevn’
‘Oeieoei’ zeie k van t verskot,
‘amai, en kan z eur skikkn in eur lot?’
‘Ja kweete t nie’ zei ze, z is gevoaln in eur uus
z is hélegans verlamd, en ze…’
Ze kéek noa my, ik kéeke noa eur
Oe da oales nu veranderd wos!
In eur oogn kost je zien
wuk dat er doa van binn zat
oales kost je zien
héel de reize da za ofgeleid
Eur lippe trilde en eur oogn liepn vul
en ze droei eur en ze zei ‘salu’
binst dat ter elders ne gloazn kerstbol
up de groend viel
en in duusnd stikkn brak
Geen opmerkingen:
Een reactie posten