LEEFT OOLE DOAGE LIK OF DA T JOENE LATSN IS

Skrieft de meterstandn up, van t woatre, de goaze & n illetriek
Zoekt de byzoenderste papiern en leg ze toope
mè n lyste mè d adressn voe de dooabrievn
en n upsomminge noa wie da ze ginne meugn zenn

Mak ne n update van joen testament
en vergit nie van n déel te moande te voarzien
voe de katte en n oend

Skrieft miskien n poar afskeidsbrievn
Kykt voe ne beetre foto voe t dooazendje

Zoek tekstn voe voarn te leezn
kiest muziek, en selecteer foto's
uj wilt da ze der ginne héele cirque van moakn

Noteert u ze joe meugn verbrann of in ne pit steekn
en wukne stéen da j wilt, of wukne pot

Legt, uj goa goan sloapn, joen bankkoarte,
joen rybewys en je pasport by ool de réste up n toafle
en n overzicht van joen login's en joen paswoordn
en de sleutels van noto

Kiest n kostuume woarin da j wil ofliggn
Smyt weg wuk da j nie wilt da ze vienn