Tis niemand da k liever zie
en minder zie dan gy
en kweete t wel
t lig nie an gy
moa k durve nie
wan k zoe t nie
up myn geweetn willn da j gy
ziek zoe komm deur my
Nie da da gemakluk is
k overdryve nie
u k zegge dat t vrée moeiluk is
moa k troaste my
wan moest je gy voeln voe my
wuk da k ik voeln voe gy
ge zoe gy nie anders kunn
ge zoe gy t selste doen voe my
Ke kyke oolene moa noa gy
deur myne verrekykre
en k vervloeke diene dag
da myn ooge viel up gy
en dat t gedoan wos mè
de gerustigheid content te zyn
moa sjanse, gelukkeluk
zoage gy my nie
Wan k zoe t nie kunn verdroagn
weetn da j gy wok zoa ofziet
geploagd deur hele doagn
en nachtn te peizn an my
moej kée voarstelln
dat r n twien is daj géern ziet
en die joe géern ziet
moa tis géen avance, ge meug der nie by
We leevn in de slichtsn tyd
da j moa kunn peizn
Wuk n straffe, wien eet r da verdiend
wuk ee k ik gedoan in myn voarig leevn
da k ik myn doagn nu moete slytn
mè van verre te kykn deur myne verrekykre
en mezelvn van snuchns tieluk
tot snoavns loate te bekloagn
Geen opmerkingen:
Een reactie posten