JEZUS SKOENN

'De kringloopwinkel in Avelgem, met Rino!'
…
'De kringloopwinkel in Avelgem, met Rino!'
'Alloo?'
'Hallo, ja, met Rino, van de kringloopwinkel in Avelgem!'
'Alloo, eej gyder Jezus skoenn?'
'Wukke skoenn?'
'Van Jezus.'
'Meen ier vele skoenn, moa k vréeze da we de skoenn van Jezus nie goan een... Peize k...'

'En van Geox mè ne gee?'
'Van wien dadde?'
'Skoenn van Geox! Mè ne gee.'
'K zoe t nie weetn.'
'En eej skoenn van Think mè n uutroeptéekn?'
'Goh, da weete k wok nie. Uuzne skoenspecialist is nog in congé...'
'En zoe j der een van Superfit?'
'Ja madam, nie voe téen of tandere moa dat zyn moeilukke vroagn wei da j doa stelt!'
'Wel gee der of gee ginne ee! Is da nu zoa moeilijk?'

'Jamoaja, meen ier zoaveel skoenn, ke kunne kik da nie van buutn zeggn! En meen ton nog ne kée van ooles moa éen poar!'
'Ja... Dus wuk wil je zeggn? Da k moete komm kykn?'
'Welja, da zoe t beste zyn. Want ge wit gy best wuk da j zoekt ee? En rad wuk da j ier vient!'
'Ja... En k goa k ik tonne moa komm zekers?'
'Vréewel!'
'En mersie voe d informoasje!'
'Euh...'
'Toet vanachternoene!'
'Jow...'