N EESTE VOADERDAG ZOENDER VOADRE

Ge zyt r nie mée, wien at da van joe gepeisd?
Myne n éeste voaderdag zoender voadre
Miljoenn kéern zoage k joe joen n oar
stoan kamm voa de speegle
Ooles gebeur nu were voa n éeste kée

De zunne ee vanuchnd lange getwyfeld
voa da ze der tevulln deure kwam
sjuuste lik of da j gy
der wok n bitje loate spyt van a
die latste doagn,
van ool de verloorn tyd

En da joene noame nu oender die foto
up da doazendje stoat
Een kiend zoender oeders is n wees
moa oe noemn ze n twien zoendre voadre?

Ze zeggn daj t geweune komt
K peise da ze t over diene loadne mantel een
die were n bitje zwoarder is
en myn skoers noa beneen probeert te duwn,
nu da j der nie mée zyt