DE VIER SIEZOENN UP ENE DAG

'Up dezelstn dag n gastroscopie en een coloscopie
zoa moejluk is da toch nie?
Voe téne meug je ne oolvn dag van tevoarn nietn eetn
En voe t andre eej ool ne héeln nacht up de pot gezeetn'

Die verpleegsters een gemakkeluk zeggn
binst da ze joen groen skortje up da bedde leggn
T is moa best da j van te voarn nie wit
oe da dat ier éegluk ool in mekoar zit

K moeste peizn an de skoan n entree van zukkne mega cinema
en an die oengezelligheid ne kée daj ton noa binn mag
moa were noa buutn goan is éen van d ellendigste diengn
T is duudluk dat n uutgang nie vele kan upbriengn

Voe diene docteur moe dat toch wok n twuk zyn
Troage skuuvnd met n derme, wuk goat n nu were vienn
Ne filme dat n ool duust kéern zag
Woa da j zwéetnd van wakker komt moa ton binst n dag

Oftewel: 'Four seassons in one day'
lik of da diene gast van Crowded House zei
Tis voe ooleman anders dus adviseern goa k nie kunn
moa miskien toch vroagn of da ze vanboovn willn begunn