van n atelier noa beneen
en van doa in de groend
En da wos de plekke woa
dat n noend stoend te bassn
K pakte d ofdekploate weg
en in n droai die de goote doa
makte lag ter ne veugel te sparteln;
k stoake myne n oarme in t gat
en k duwde mè myn ander and
n noend weg binst da k em pakte
T wos ne bruune mérle
mè ne knak in z ne stéert
moa t roarste van oal,
juuste voa da k em losliete en ne lik
n rakette rechte omooge vloog,
wos dat n merci teegn my zei
K a der nie mée an gepeisd
toet vanoavnd, k zoate buutn
mè ne n aperitief oender ne
doenkere lucht toen da k zoage
dat der doa géen goote zat
Geen opmerkingen:
Een reactie posten