zaterdag 19 december 2015

OENDERBOANE

N otobuus die stopt an t otobuuzekotje
vool ny up omda w t gewend zyn
da z ier stoppn en wére voart ryn
zeg moa gerust da we verwend zyn
want nog ny zo lange geleen
giengn ze gemoareld en getierd een
zy moa zeker: z giengn t ny éern,
zukkn karre zoender péern


Ge kruupt d r up en zet joe nere,
wienter zoomre ooltyd warme en
snoavens loate ooltyd kloar
en u j t skoane vroagt an de choaffeur
of u j zegt da j ny van ier zyt
goatn wel roepn, surtoet te lande,
en ku j nog n tukske doen
of leezn i j boekske

En oal ryn ze roend mé joe,
t is ny da ze mé joe éen roendgereen
en oal zettn ze joe of,
t is noais da ze joe éen ofgezet
en ge zit verkéerd
u j peist dat n achteruut ryt
En wil je t rekkn omda j versloafd zyt,
mé ne n Omni kuj voe géen geld lyntjes trekkn

Moa t is nu nog ne kée gelyk
woarom da j mée ryt
t byzoenderste is da t deure driengt
want lik mé olles besef je
t oolsan veels te loate:
t geestigste moment
- surtoet voe ne busmins -
is u j oenderboane zyt

Geen opmerkingen: