PISANG AMBON

Mè myn n éeste kommunje eek
n bordeau kostuumtje an in poane
K droage nog géene bril en k kyke
vrée serieus en nu en ton n bitje dul
up ool de fotoos, ne héeln boek vul

Up zoek achter ne n aperitief
kocht myn moeder Pisang Ambon
N twuk nieuws, en ze skoenk doa
héele voazn van voe de tantes

By iedere tante mochte k
ne kée drinkn - dust da k ik a!

'Rinoojge', zeggn myn tantes
voe wie da k Rinoojge goa bluuvn
'Ziek da j gy wos, mins toch mins toch
en ge wos gy nog zukn kléen vintje!
Moaja, we wistn wieder da ny…
Dat r doa drank in zat!'

Moa doa zyn der géen fotoos van