Een gat in nacht in de Combi. Obelix lig neevnst Tjoole te sloapn in ne toet up n droad versleetn, geskeurde zeetle, Toane angt nog mè n, ool lange verskoald, vierde van n witteke an toog, Stoffel en Huplyk zyn héel van de planeete, t is oast nie meugluk da z up die stoel bluuvn zittn lik of da ze weg en were goan, Skelle kan nie stoppn mè babbeln - zeg moa zoagn - teegn Sirre die ort mè zyn éen oare en mè zyn ander noa Bartje Léluk.
Je kryge t were nie over zyn erte voe te sluutn.
Je kryge t were nie over zyn erte voe te sluutn.
Lik oolsan up da eure zyn t sjuuste nog de tjooloars die overskytn, en k zyn der wok by; ool zit der moa ne man of tiene mée, k bluuve ploatn droain. En ton komm Sirre by my stoan, je lacht ool zyn vorte tann bloat en je vist uut zukne bak diene maxi van de Stranglers, en je betovert in éne kée héeln boel en je besmet my voe oolsan mè n virus woa da k nie wille van geneezn.
T is dertig joar geleen en k zyn nie de grotste fan van The Stranglers, moa diene Midsummer Night Dream van tien minuutn noalf kruup nog ookn oender me vel en oole kéere zitte k were by Sirre, en dat nie woare dat n pottezwort is, nen kiesak van de boovnste planke, k zoen èm ne pieper kunn geevn - minsn, ik zoage die vint géern - in die curieuske boite woa dat n an verbouwd ee toet da t byna inviel, by ool die roare kwibuusn woavan dat nilt vandoage ool in de groend zit...
Geen opmerkingen:
Een reactie posten