Loate in nacht in t Walhalla koste t gebeurn dat nie gienk voe te sluutn - byzoenderluk n dunderdag, de minsn stoenn ton vrée geweldig.
'Nog eentje, doe kée nie zoa oavereks!'
'Ge kent uus toch, zyn we wyder zukke lastige minsn?'
'Gow, zet nog éen en drienkt zelve wok éen!'
'Ge meug noais zeggn dat de latsn is, da briengt oengeluk!'
Achter n ende an we t gevoenn. We zei'n da ze nog éen mochtn een, en da we n nummerke giengn upleggn van ne minuute of zeevn, achte, en ut de ploate tenn wos, wos t glas uut en kostn w oolemolle noar uus goan.
Lange wos da nummerke 'Avelgem' van Gerard Vermeersch. De sketch wos ton ool méer dan dertig joar oed, moa de minsn vieln nog ookn van underne stoel van t lachn, en giengn ton welgezind noar uus! Noais gepeisd da k zovéel joarn loatr nog in Oavelgem gienge werkn...
Overlatst ee avonturier en journalist Kurt Vandemaele 10.000 stappn in Oavelgem gezet.
En n déel doavan wos in uusne kringloopwinkel...
Geen opmerkingen:
Een reactie posten