DRIEKART

‘De Kringloopwinkel in Avelgem, met Rino!’
‘Alloo? Is t mè de kriengloopwienkle?’
‘Joat, mè Rino van de kriengloopwienkle in Oavelgem.’
‘Zeg joengne, zoej gy ne kée n twuk willn doen voe my?’
‘Joak wei!’ 
‘Wè, k zyn k ik doa vannuchend gewist ee, en kee k ik doa n poar roa bottn zyn angn, driekart! Zoe j gy ne kée willn kykn wukke moate da z éen? K peise zessndertig of zeevnendertig!’
‘K zyn ool up boane! Roa bottn?’
‘Ja, t zyn éenigste roa die der angn! Driekart!’
‘Aja, k zie z angn! Wachte wei…’
‘Liefst zessndertig, ne zeevnendertig gaot te groa zyn…’
‘Gee teegnslag! T is ne achndertig!’
‘En nondedju, t is were nie roar! En gee ze nie n moate klindre?’
‘Nu nog niet, moa miskien binn n eure… Ge witte t ier noais ee!’
‘Allez, nietn an te doene!’
‘Jow…’